svona gengur það fyrir sig...

Ekki mikið búið að gera hjá manni. Bara búin að læra og klippa á sambandið við umheiminn. Prófin nálgast og einnig afmælið mitt svo eru það auðvitað jólin. Var að hugsa um að hafa smá hitting 8. des með vinum mínum en á sjálfan 7. des þá ætlar mamma að vera svo góð að elda fyrir mig lambalæri og svo kemur familían í kvöldmat.
Ætla að vera vinna mikið um jólin og vonast til að græða smá pening til að halda manni uppi fram á vor. Annars er ekkert að frétta... það verður örugglega ekki mikið að gerast fyrr en eftir próf.... þannig að þetta verður ekki meira í bili.

Eins og svo oft áður er brjálað að gera í skólanum.... en núna er tannlæknavesen að bætast ofan á! Var hjá tannlækni í dag og hann bendir mér á það að það þarf að taka úr mér endajaxlana með að gerð... ég er ekkert voðalega spennt... en ef það er það sem þarf að gera, þá það. Svo þarf ég líka að tala við tannréttingarlæknin vegna einhvers smáatriðis en það er bara eitthvað smotterí sem að þarf ekki mikið að gera við.
Pófin að nálgast og jólin með þeim. Hef ekki hugmynd um hvað ég á að gefa í jólagjafir en það er einn og hálfur mánuður í það....
Svo er það bústaðarferðin sem að er á morgun  hlakka ekkert smá mikið til. Við Árni ætlum að pakka í kvöld og leggja svo af stað um leið og hann er búinn í vinnuni. Svo gæti verið að nokkrir vinir mínir kíkji á laugardaginn og gisti eina nótt...
Það verður meira stuð í blogginu eftir helgi.
Hasta luego..

Helgin var góð. Fór á klúbbinn á laugardaginn eða um kvödið eftir að hafa verið hjá Björgu með stelpunum. Mikil biðröð inn á klúbbinn enda eini staðurinn sem að hleypir inn 18 ára sem að segir auðvitað að meðalaldurinn er 15-16 ára. Mikil slagsmál voru þegar ég ákvað að fara en það voru einhverjir strákaular sem þurftu greinilega á mikilli athygli að halda því það voru komnir 3 lögreglubílar.
Í dag er ég hinsvegar bara búina að vera í skólanum. Er að gera ritgerð núna og fór ég á bókasafnið við höfnina í dag til að ná í 2 bækur svo ég gæti haft góðar heimildir. Ég lagði hjá grillhúsi Guðmundar á þetta litla sæta plan. Ég stekk inn og er í mestalagi 5-10 mín. En þegar ég kem út og er búin að vera að drífa mig ekkert smá þá sé ég að ég er komin með sekt. Ég er farin að halda að stöðumælaverðirnir séu að elta mig. Það skiptir ekki máli þó að ég borgi í stöðimælin því að þegar ég er komin að bílnum þá er liðin mínota síðan að miðinn rann út og þangað til að ég kem að bílnum með nýjan en þá er líka komin sekt og ekki hægt að draga hana til baka þar sem hún er komin inn í kerfið.... þetta hefur komið 2 sinnum fyrir mig í þessum mánuði af þessum 3 sektum sem ég hef fengið.
Ég er komin með nokkrar lausnir að þessum vanda a) finna sér kall sem er stöðumælavörður b) gerast stöðumælavörður c) eiga alltaf um 1.000kr í klinki í bílnum.
Möguleika a) get ég ekki tekið þar sem að ég á kall sem að heitir Árni. Möguleiki b) ég er í voða góðri vinnu sem að ég vil ekki hætta í og þá er bara eftir c) ef að ég vil hætta að fá þessar sektir.
Þangað til næst.

Vikan hálfnuð og mér finnst hún vera ný byrjuð. Á laugardaginn var afmæli hjá múttu minni sem að var að halda upp á fertugs afmælið. Ekkert nema gaman. Það var drukkið og sungið og allir voru vinir. Sonur hans Bill’s var þarna með okkur og hann er farinn að kalla okkur “one of the family” þrátt fyrir að við vorum að hitta hann í fyrsta skipti seinustu helgi. Hann er voða fínn drengur og ekkert nema yndæll.
Búið að vera mikið að gera í skólanum eins og vanalega. Er núna í voða kósí stemmingu þar sem að ég sit upp í rúmi og er að skrifa með kveikt á ketum og er að fá mér kaffisopa. Svo er ég með kveikt á útvarpinu svo að það sé ekki alger þögn.
Miklar breytingar búnar að vera á Bergþórugötunni hjá mér og Árna. Við fengum innblástur frá mömmu um að taka smá í gegn í íbúðinni. Þetta eru engar stórar breytingar en þrátt fyrir það þá er munurinn mikill.
Eins og ég hef sagt frá áður að þá seldum við Árni King size rúmið okkar en fengum rúmið hennar Svövu í staðin. Við fórum úr king size niður í queen size það eru alveg heilir 30 cm! Ekkert svakalega mikið en þó... hver sentimetri telur í litlu rými.
Við settum rúmið á annan stað og fengum okkur þá minna skrifborð í leiðinni sem að breytti mikilu þar sem að við fengum meira pláss. Eftir þessa minkun þá var allt í einu pláss fyrir heilan skáp sem að við keyptum og þar af leiðandi gátum við tekið niður fullt af hillum og kössum. Voða mikið pláss núna
Hvað með það.. við keyptum skápinn í IKEA og Árni fór einn í þá ferðina. Ég áttaði mig síðan á því að við þyrftum fleiri herðatré. Ég fór þá með honum en vildi að ég hefði sleppt því. Það var komið svo mikið af jólavörum að ég hélt að 24. des væri á morgun. Ég er ekkert alltof hrifin af því þegar verið er að selja jólavörur mikið fyrr en einum mánuði fyrir jól... en það er bara ég.
Þangað til næst...